Darllenwch y Rheolau
10 rheol am sut i ymddwyn ar y wefan
Mae’r wefan hon wedi’i bwriadu ar gyfer plant sy’n 13 oed ac iau.
Mae’n rhaid ichi addo cadw at y 10 rheol hon. Caiff pob neges ac adolygiad llyfr ei ddarllen a’i wirio gan gymedrolwyr i sicrhau ei fod yn addas. Os byddwch yn torri unrhyw un o’r rheolau, bydd eich neges yn cael ei gwrthod!
- Cadwch yn ddiogel – peidiwch â chynnwys unrhyw wybodaeth bersonol yn eich negeseuon. Mae hyn yn cynnwys eich enw, cyfeiriad e-bost, cyfeiriad stryd na rhif ffôn.
- Peidiwch â chynnwys manylion personol unrhyw un arall y eich negeseuon, gan gynnwys rhieni, gofalwyr, athrawon neu arweinwyr grwpiau.
- Peidiwch â phostio negeseuon anweddus, hiliol, bygythiol, treisgar neu ddi-chwaeth at y safle.
- Cofiwch drin pawb gyda pharch – hyd yn oed os oes gan rywun farn wahanol i chi; peidiwch â’i adael i fynd yn bersonol.
- Peidiwch â mawrygu gweithgareddau anghyfreithlon neu beryglus – mae’n iawn siarad am yr hyn sy’n digwydd mewn llyfr, ond peidiwch ag annog eraill i’w hefelychu
- Peidiwch â sgwennu unrhyw beth cas am unrhyw un, gan gynnwys defnyddwyr eraill, rheini, gofalwyr, athrawon, gweithwyr cymdeithasol, arweinwyr grwpiau na phobl enwog.
- Peidiwch â sgwennu popeth mewn PRIFLYTHRENNAU neu emojis – dydy hi ddim yn hawdd i bawb ddarllen ac ni chaiff eich neges ei chyhoeddi.
- Peidiwch â phostio negeseuon cyfan mewn iaith testun – mae’n iawn byrhau rhai geiriau ond nid pawb sy’n deall iaith testun nac yn ei chael hi’n rhwydd ei darllen.
- Peidiwch â phostio dolenni i wefannau eraill – does dim modd rheoli beth sydd yn y gwefannau hyn.
- Peidiwch â thorri rheolau hawlfraint. Mae hyn yn golygu na ddylech bostio neges destun o lyfrau rhywun arall.
Mwynhewch ac edrychwn ymlaen at eich cael ar y safle!